Spot seçimində dörd göstərici həlledicidir: güc, işıq bucağı, kəsim diametri və rəng temperaturu. Bunlardan biri səhv seçildikdə nəticə ya çox parlaq, ya çox sönük, ya da gözü yoran olur.
Neçə spot lazımdır?
Tez-tez verilən sual budur, amma tək cavabı yoxdur — otağın sahəsi, tavan hündürlüyü, divarların rəngi və spotun gücü birlikdə işləyir. Praktik yanaşma: otağı zonalara bölün və hər zonaya ayrıca baxın. Divar boyu yerləşdirilən spotlar divarı işıqlandıraraq otağı daha geniş göstərir; otağın ortasına düzülmüş spotlar isə çox vaxt lazımsız və simmetrik görünür.
İşıq bucağı
- 15–24° — dar. Aksent üçün: şəkil, dekor, jurnal masası.
- 36–45° — orta. Ümumi işıq üçün ən çox istifadə olunan aralıq.
- 60° və yuxarı — geniş. Alçaq tavanlarda və ümumi fon işığında.
Gözqamaşma — ən çox laqeyd yanaşılan məsələ
Ucuz spotlarda LED korpusun səthinə yaxın olur və birbaşa görünür. Nəticədə uzanıb tavana baxanda göz qamaşır. Anti-glare modellərdə işıq mənbəyi dərinə salınır — xüsusilə yataq otağında bu fərq çox hiss olunur.
Kəsim diametri
Alçı-kartonda açılan dəliyin ölçüsüdür. Əvvəlcədən dəlik açılıbsa, həmin ölçüyə uyğun model seçmək lazımdır — ona görə spot seçimi tavan işindən əvvəl aparılmalıdır.
- Tavan işindən əvvəl modeli seçin — kəsim ölçüsü ona görə açılsın
- Yaşayış otaqlarında 3000K, hamam və mətbəxdə 4000K
- Hamam üçün ən azı IP44
- Bir otaqda eyni model və eyni temperatur istifadə edin
- Dimmer planlaşdırırsınızsa, dimmer dəstəkli model seçin
